చెత్త రాజకీయ నాయకులు చెత్త డైలాగ్ లను మాత్రం వదలరు. ఏళ్ళు తరబడినా ఇలాగే మాట్లాడు తుంటారు. ఇలా మాట్లాడడమే రాజకీయం అనుకుంటారు.
ఎన్నికల ప్రచారంలో:
- భారీ మెజారిటీతో మా అభ్యర్దిదే ఘనవిజయం.(అన్ని పార్టీలు)
ఉప ఎన్నికలైతే:
- ప్రతిపక్షాలు: ఈ ఎన్నికల తీర్పు రెఫరాండం గా భావించాలి.
- పాలక పక్షం: ఈ ఎన్నికల ఫలితాలు రెఫరాండం కానేకాదు.("చక్కగా పాలించాను" అని అనిపిస్తేగాదా ధైర్యంగా ఒప్పుకోడానికి!)
ఫలితాలు వెలువడాకా :
ఓడినోడు గెలిచినోళ్ళ నుద్దేశించి :
- డబ్బు మందు విచ్చలవిడిగా పంచి గెలిచారు.(ఇతగాడేమీ ఇటువంటివి ఎరగనట్లు నంగనాచి మాటలు..)
ఫలితాలపై పార్టీలు:
ఓడిన పార్టీలు:
- వారి స్థానాలు వాళ్ళు గెలిచారు. మేము ఓడింది ఏమీలేదు.(మరెందుకు ఎన్నికల్లో అభ్యర్థులను నిలబెట్టిందో!)
- మా పార్టీ ఓటింగ్ శాతం పెరిగింది.(లేదా) మునుపటిలాగే ఉంది.(జంప్ జిలానీ అయిన నాయకుల్లా కాకుండా పార్టీని అంటిపెట్టుకున్న ప్రజలెందరో తెలుసుకోడానికా?)
పై విధంగా చేత్తమాటలు మాట్లాడకుండా ఉన్నవిషయాన్ని ఉన్నట్లు మాట్లాడితే ప్రజలు హర్షిస్తారు. లేదంటే ఇలాగే వాతలు పెడతారు ఎన్నికలప్పుడు.
No comments:
Post a Comment